منتديات مرحبا


منتديات مرحبا
 
الرئيسيةاليوميةس .و .جبحـثالأعضاءالتسجيلدخول

شاطر | 
 

  نكت مغربية جديدة موت ديل الضحك new new

اذهب الى الأسفل 
كاتب الموضوعرسالة
pato



المساهمات : 3
تاريخ التسجيل : 01/06/2011

مُساهمةموضوع: نكت مغربية جديدة موت ديل الضحك new new   الأربعاء 01 يونيو 2011, 21:34

السلام عليكم

أقدم لكم بعض النكت المغربية الجديدة

بسم الله

*********

شي وحدين جالسين كايتكيفو.
داز حداهم واحد الشيباني، قال ليهم: حرام عليكم
قالو ليه: وعليكم الحرام

************

هادا واحد الراجل كان غادي ف الصحرا، راكب حمار ومعاه كلب
وهوما ف الطريق، هدر الحمار وقال للراجل: واش مازال الطريق بعيدة؟
الراجل تصدم وشداتو الخلعة، أو! حمار كيهدر؟ هي مسكون!
ناض الراجل يجري يجري يجري يجري وتابعو كلبو
ملي عيى وهو يوقف.
وتما قال ليه الكلب: وايني خلعة خلعنا هاداك الحمار

***********

سولو واحد المحشش : إيلا كان التدخين محرم، أش يكون الحشيش ؟؟
قال ليهوم : احتمال يكون ذو القعدة

*********

هذا وحد المش مبوق تابع واحد الفار، وهو يهرب ليه وطلع مع القادوس.
تخبى المش ساعة ساعتين ما نزلش ليه الفار.
شوية هو يفكر مزيان وقال: هاو هاو هاو هاو.
الفار قال مع راسو: ما دام الكلب جا إذا المش هرب.
وملي نزل الفار لقى المش كيتسناه وكلاه.
وهو يقول المش مع راسو: الواحد في هاد البلاد إيلا ما كان عندو جوج لغات ما ياكلش طرف الخبز

**********

هادا واحد ضراتو كرشو ومشى عند الطبيب.
سولو الطبيب شنو كليتي؟
قال ليه: بيمو ديال الدجاج.
فاش قلبو لقاه واكل كنور

*******

واحد تالف سول واحد خينا : خويا عافاك أشنو أسرع طريق توصلني لصبيطار؟
قال ليه : غمض عينيك وقطع الشانطي
*********

هادا واحد جات عندو نســـيـبتو. قال ليها: شحال غتبقاي معانا؟
قالت ليه: حتى تملو مني
قال ليها: وبقاي غير حتى تشربي أتاي بعدا

********

هادا واحد غليييييييض بزاف تلاقا مع واحد رقيييييييق بزاف
قال ليه: يا خويا اللي شافك يقول عايش ف بلاد فيها مجاعة
قال ليه الرقيق: واللي شافك يعرف شكون دار هاد المجاعة

********

هادا واحد الولد مستيلي كان راكب ف الطوبيس ولابس سبرديلة ديال ربعين ألف ريال
جات واحد المرا شارفة عفطات عليه
قال ليها: سمحي ليا أ الوالدة، راكي عافطة على ربعين ألف ريال
تحنات المرا مادة إيديها وقالت ليه: ديال أوليدي

******

كالك هدا واحد الزقرام قرا كاع هد النكت

أو مكتبش رد

لا تنسونا مع السلامة
afro jocolor cherry santa confused rabbit lol! lol!
الرجوع الى أعلى الصفحة اذهب الى الأسفل
 
نكت مغربية جديدة موت ديل الضحك new new
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مرحبا  :: منتديات الترفيه :: النكت-
انتقل الى: